هو أنا الموضوع عمره ما أثر معايا، حوارإني شولة،
وبـ آكل واشرب واكتب واطبخ وكل حياتي بإيدي الشمال
بس لحد دلوقتي 25 سنة، وأول مرة حد ياكل معايا يقول لي:
"إيه ده؟ أنتِ بـ تاكلي بالشمال؟ حرام يا بنتي"

أنا عندي ٢٤ سنة
من سن ١٣وانا فـقدت ثقـتي في نفسي بـ سبب إني تخين،
بعاني من نظرات الناس ليا، أوقات كتـير بـ تعاير إني تخين
"انت اللي هـ تـرضع العيال لما تتجوز؟"

مشكلتي جسمي
فجأة لاقيته كبر وبقيت مضطرة إنى أخبيه دايما
أخبي شعري، أخبي صدري
والحيض بقى سر قومي بـ خبيه

أنا وأختي كنا رايحين نطلب نأجل قضية وطلع إنه علينا أحكام
كنت ضامنة أخويا، كان هو جايب حاجة عشان جهاز بنته
بس أنا ما أخدتش حاجة، أنا مجرد إني بس ضمنته وهو ما سدش
وأختي كانت بـ تجيب حاجات بـ تبيعها
جات واحدة نصبت عليها خليتها جابت حاجات بـ 50 ألف
وخدت بعضيها وسابت البيت ومشيت، واحنا ما كناش نعرف عنها حاجة.

ألو، أيوه يا سارة
أنتِ فين يا بنتي؟
كل ده في الشغل؟
الناس يقولوا إيه يا بنتي؟
فيه بنت مصونة تـ فضل برا البيت لحد دلوقتي؟

أول لما بـ دخل أصلًا أي منطقة غريبة، بـ قراها بسرعة
لو منطقة شعبي مثلًا، وانا معايا واحدة أو كده
بـ بقى قاري الدنيا بقى
دي لوحدها استلامة

من سنتين اكتشفت بالصدفة البحتة إن عندي أورام في الرحم …
الدكتور قال لي:
"الأورام مكانها خطر والعملية ممكن تخلينا نضطر لاستئصال الرحم"
خفت جدا لأن وجود الرحم بالنسبة لي أكبر من إنه يكون له علاقة بس بالجواز، هو مرتبط عندي بإحساس بالأنوثة إحساس بالأمومة .. حتى لو لسه ما حصلتش ...

انا بـ يفوت عليا أيام بـ نام فيها ساعات طويلة جدا
وبـ تحرك بتقل وصعوبة شديدة
وبـ آكل كل الوقت
وفجأة، تفوت أيام بـ نام قليل جدا
وآكل قليل جدا
واخلص كميات شغل رهيبة في وقت قصير جدا
وبـ تحرك بين الأماكن بسلاسة وطاقة.

الجواز بالنسبة لي كان فكرة سيئة جدًا
مش الجواز نفسه، أنا عارف إني شخص مناسب للجواز
قصدي الجواز لمجرد إننا محتاجين نتجوز
أي شيء بـ نعمله لأننا محتاجين نعمله مش اختيار أصلًا بالنسبة لي

الوصمة الاجتماعية، الضغوط الاجتماعية، الطلاق، الزواج، العلاقات العاطفية

شكلي واقف بيني وبين خشبة المسرح
لدرجة إني فكرت أعمل عمليات تجميل علشان
أكسر الحاجز والقالب اللي محبوسة فيه ده
أنا بـ تعلم أكتب مسرح علشان أكتب عن نفسي وأمثلها